(Закарпатський сленг)
Уже пару днів я як побитый
ледвы хожу, лим сердитый
пару суток уже не спав
а сусідську мачку ймав
Прийшов вичур усьо нормально
лігаву в постіль тихо, файно
лим розслабитися мош
і начався туй дебош
Сусідська мачка як на полі
туй устроїла гастролі
і лим чуву: мяв, та мяв
я ся просто задовбав
Пуд моїми возорами
она реве за мацурами
і там риче як нечиста
мацурів там майже триста
І до рана тої ночи
не закрив я свої очи
убым імив її лиш раз
там їв буде лише фрац
На другу ніч я із ланца
розкапчав на ниї пса
лягти у постіль я не встиг
як начався там бліцкриг
Убіг голий такой вон
а у дворі армагедон
мацуры пса там догнали
з нього ширсть усю зорвали
Пес утікать як лим мош
перевернули всьо што мош
і у хлів ся там вломили
там усьо переломили
Як зарикали всі свині
уті уд страху стали сині
повтікали всі з хліва
і туй іщи єдна біда
Цілу ніч я мав роботу
доганявим ту сволоту
а як рано стало годі
імавим кури по городі
Всьо шо ми з жонов копали
свині за ніч розтоптали
жона уд того стала сіда
і я привів туди сусіда
Кажу: видиш шось наробив
колись курву вон пустив
щи кіть раз ми пустиш мачку
я ти вержу в возір тачку
Ти не будеш тихо спати
а мацурів туй розганяти
там мої свині іди імай
які утікли онь за край
А всі продукти шо пропали
шо свині сночи розтоптали
ти ми маєш усьо вернути
і нич не хочу більше чути!
Ігор Лівак
